Ўзбекистон олимпия термаси Олимпиада йўлланмаси учун курашни тўхтатди. Мураббийнинг изоҳи.
 
Ўзбекистон олимпия терма жамоаси 2016 йилда Бразилиянинг Рио-де-Жанейро шаҳрида ўтказиладиган Олимпиада ўйинлари учун йўлланмага эга бўлмайдиган бўлди. Самвел Бабаян шогирдлари 16 январь куни U-23 Осиё чемпионати гуруҳ босқичи 2-турида Ироқ термасига 2:3 ҳисобида имкониятни бой берди.

Бу ўйиндан кейинги матбуот анжуманида Ўзбекистон олимпия терма жамоаси бош мураббийи Самвел Бабаян ҳимоядаги қўпол хатолар эвазига рақибга имконият бой берилганини таъкидлади.

«Иккинчи учрашувда ҳам мағлуб бўлдик. Афсуски, ҳозирги кундаги бор имкониятимиз шундай экани кўриниб қолди. Ироқ олимпия терма жамоаси ҳам мусобақа ғолиблиги учун даъвогар терма жамоа ҳисобланади. Бугун курашни бой бердик. Айниқса, ҳимоядаги қўпол хатолар туфайли рақибга имкониятни бой бердик», — дейди Бабаян.

«Бу футболчилар бугун биздаги мавжуд энг кучли футболчилар. Аммо, ҳимоя чизиғи — бизнинг энг муаммоли чизиғимиз бўлиб қолмоқда.

Учинчи голдаги вазиятда қанот ҳаками байроғини кўтарган бўлса ҳам ўйин давом этди. Боиси, бош ҳакам учрашувни давом эттирди ва хуштагини чалмади. Бизнинг футболчимиз эса бу вазиятда охиригача курашиш ўрнига тўхтаб қолди. Ўйин ҳакам ҳуштагигача давом этади ва буни футболчилар билиши керак. Афсуски, футболчимиз (Владимир Козак назарда тутилмоқда) ўша вазиятда қандай савиядаги футболчи эканини билдириб қўйди. Юқори савияли футболчилар бундай вазиятларда нима қилиш кераклигини яхши билади ва бундай хатога йўл қўймаган бўлар эди. Бугун Жамшид Искандеров ҳам ўзини кўрсата олмади ва уни алмаштирдик», — деди Ўзбекистон олимпия термаси устози.

Самвел Бабаян шунингдек, терма жамоа Яман терма жамоасига қарши сўнгги ўйинда ўз ўйинини кўрсатиши кераклигини ва хатолардан хулоса чиқариб, яхши ўйин намойиш этиши кераклигини таъкидлади.

«Хатолардан тўғри хулоса чиқариб, сўнгги учрашувда ҳақиқий ўйинимизни кўрсатишга ҳаракат қиламиз. Биз иккита кучли жамоага қарши ўйнадик ва мағлуб бўлдик. Ўзимизга бўлган ишончни қайтариш учун, учинчи турда ғалаба қозонишимиш шарт», — деди Бабаян.

Manba:Kun


Установи современный и быстрый браузер!
Загрузка...


HacKeR_763 1 643 18.01.16
Комментарии
Информация! Посетители, находящиеся в группе Гости, не могут оставлять комментарии к данной публикации.
Reklama
Reklama

Reklama
Reklama
Reklama
Reklama
Загрузка...
Top 8
Реклама
Статистика
Индекс цитирования.